Müayinələr
Nevroloji diaqnostika həkimin pasiyentlə söhbəti və detallı nevroloji müayinə ilə başlayır: refleksler, əzələ gücü, həssaslıq, koordinasiya, yeriş və kəllə sinirlərinin funksiyası yoxlanılır. Lazım olduqda şikayətin səbəbini dəqiqləşdirmək üçün instrumental müayinələr təyin olunur.
Elektroensefaloqrafiya (EEQ) beynin elektrik fəallığını qeydə alır və epilepsiya, qıcolma xarakterli hallar və huşun itirilməsi epizodlarının araşdırılmasında istifadə olunur. Elektromioqrafiya (EMQ) sinirlər və əzələlər boyunca elektrik siqnallarının ötürülməsini ölçür; karpal tunel sindromu, radikulopatiya, polineyropatiya və əzələ xəstəliklərinin diaqnostikasında köməkçi rol oynayır.
Hansı müayinənin lazım olduğuna şikayətlərə və müayinənin nəticəsinə görə həkim qərar verir. Hər bir müayinənin necə aparıldığı, ona necə hazırlaşmaq lazım olduğu və nəticələrin nə göstərdiyi aşağıdakı səhifələrdə izah olunur.
EMQ
Elektromioqrafiya (EMQ) - elektromioqraf adlı apparatla tətbiq olunan bir diaqnostika üsuludur. Hansı ki, əzələlərin bioelektrik aktivliyini müəyyən edir və bunun əsasında zədələnmiş əzələni innervasiya edən sinirin funksional vəziyyətini göstərir. Bu müayinə əzələ və periferik sinirlərin zədələnmə dərəcəsini, yerləşməsini, ağırlığını müəyyən edir.