İşemik insult

İşemik insult - dedikdə müstəqil xəstəlik olmayan, ürək-damar sisteminin müxtəlif xəstəlikləri fonunda və damar zədələnmələri çərçivəsində inkişaf edən beyin qan dövranının pozulması nəzərdə tutulur. Hansı ki, qəflətən yaranır və 24 saatdan artıq davam edən ocaqlı nevroloji və ümumi beyin simptomlarının meydana çıxması və qısa müddətdə xəstənin ölümünə səbəb olması ilə xarakterizə olunur.

Ağırlıq dərəcəsinə görə işemik insultlar yüngül, orta və ağır dərəcəli 3 qrupa bölünür.

İşemik insultun risk amilləri:

• Şəkərli diabet
• Dislipidemiya
• İrsi meyillilik
• Arterial hipertenziya
• Siqaret çəkmə və alkoqol
• Keçirilmiş insult və ya TİH
• Yuxu arteriyalarının stenozu
• Oral kontraseptivlərin qəbulu
• Yaş və kişi cinsinə mənsubluq
• Fiziki aktivliyin azalması və piylənmə
• Hiperkoaqulyasiya ilə müşayiət olunan hallar
• Ürək xəstəlikləri, xüsusən də atrial fibrillyasiya

Əgər sizdə də qeyd olunan əlamətlər meydana gələrsə gecikdirmədən həkimə müraciət edilməlidir :

• Qıcolmalar
• Nitqin pozulması
• Baş gicəllənməsi
• Görmənin pozulması
• Udma qabiliyyətinin pozulması
• Hərəkətlərin koordinasiyasının pozulması
• Yaddaşın və şüurun qəflətən pozulması
• Ürəkbulanma, qusma ilə müşayiət olunan baş ağrısı
• Bədəndə əzələ zəifliyinin əmələ gəlməsi və hissiyyatın zəifləməsi

İşemik insultun klinikası damar pozğunluqlarının lokalizasiyasından asılı olan ümumi beyin və ocaqlı simptomlardan ibarətdir. İşemik insultun ən mühüm instrumental diaqnostika vasitəsi beynin KT və MRT-dir.