Tərcümeyi-hal
Uzman Nevroloq Dr. Elvin Niftaliyev
Uzman, Nevroloq Dr. Elvin Niftaliyev 8 oktyabr 1986-cı ildə Bakı şəhərində anadan olub. 2005-2011 illər Azərbaycan Tİbb Universitetində Həkimlik ixtisası üzrə təhsil alıb. 2012-2016-cı illər İstanbul Bezmialem Vakıf Universitetində Uzmanlıq təhsili alaraq Nevroloq ixtisasına yiyələnmişdir. Həmçinin 2017-2018 - İstanbul Universiteti Xəstəxanası, Elektroneyrofiziologiya üzrə təhsilini davam etdirmişdir.
2016-2017 - İstinye Universiteti, LİV Xəstəxanasında, 2017-2018-ci ilər İstanbul Tıp Universitesi Elektronörofızyolojı bölümündə çalışmışdır. 2018-ci ildən bəri Gəncə Beynəlxalq Xəstəxanasında uzman doktor, nevroloq olaraq fəaliyyət göstərir.
2012-ci ildən bəri Türk Nöroloji Dərnəyinin üzvüdür.
Nevroloqa nə zaman və niyə müraciət etməliyik ?
Bütün xəstəlik kimi nevroloji xəstəliklərin də ağırlaşmaları olduqca təhlükəlidir. Hətta əhəmiyyətsiz saydığımız kiçik baş ağrısı belə hansısa ciddi bir xəstəliyin əlaməti ola bilər. Bu səbəbdən xəstəliyin ilk simptomlarını müşahidə etdikdə həkim-nevroloqa müraciət etmək lazımdır.
Bu simptomlara misal olaraq - baş gicəllənmə, ümumi yorğunluq, aşağı və yuxarı ətrafların zəifliyi, mütəmadi olaraq huşu itirmək, qıcolmalar, tiklər, nevrotik pozğunluqlar, bədənin müxtəlif nahiyələrinin keyiməsi, yuxu yaddaşın pozğunluqları, qulaqlarda küy, eşitmə, görmə və iy bilmə qabiliyyətin zəifləməsi və s.
Unutmayın ki, vaxtında qoyulan diaqnoz sayəsində düzgün müalicə apararaq effektiv nəticə əldə etmək mümkündür.
